स‌‌क्षिप्त परिचय

परिचयः

तत्कालीन उच्च माध्यमिक शिक्षा परिषद् हेटौंडा कार्यालय वि.सं. २०६३ सालमा स्थापना भई मिति २०६३ माघ १ गतेबाट सेवा सुचारु भएको थियो । शिक्षा ऐन आठौं संशोधन २०७३ ले साविक उच्च माध्यमिक शिक्षा परिषद्लाई राष्ट्रिय परीक्षा बोर्डमा रुपान्तरण गरेकोले मिति २०७३/०३/१६ बाट नेपाल सरकार, राष्ट्रिय परीक्षा बोर्ड शाखा कार्यालय हेटौंडा मकवानपुरको रुपमा सञ्चालन हुदै आएको छ । यस कार्यालयको कार्यक्षेत्र बागमती प्रदेशको मकवानपुर र चितवन तथा मधेश प्रदेशको रौटहट, बारा र पर्सा गरी पाँच जिल्ला तोकिएको छ । यी जिल्लाका माध्यमिक विद्यालय र क्याम्पसमा सञ्चालित कक्षा ११ र कक्षा १२ को परीक्षासंग सम्बन्धी कार्यहरु रजिष्ट्रेशन आवेदन, परीक्षा आवेदन, परीक्षा सञ्चालन सम्बन्धी तयारी, उत्तरपुस्तिका सङ्कलन, परीक्षण र नतिजा प्रकाशन पश्चात विद्यार्थीलाई ट्रान्सक्रिप, माइग्रेसन, प्रोभिजनल, सप्लीमेन्ट (TMPS) प्रमाणपत्र वितरण सम्बन्धी कार्य गर्दछ ।यस कार्यालयले हेटौडा उप महानगरपालिका वडा नं ४ स्थित कर्मचारी सञ्चयकोष अगाडि रहेको भाडाको घरबाट सेवा प्रवाह गरिरहेको छ ।

यस बोर्डबाट सम्पादन हुने कार्यहरुको विवरण ;-

क‍.‍ रजिष्ट्रेशन आवेदन सम्बन्धी

v  विद्यार्थी रजिष्ट्रेशन फाराम वितरण, रुजु र तोकिएको रजिष्ट्रेशन शुल्कको बैंक भौचर सहित सङ्कलन गर्ने । 

v  रजिष्ट्रेशन फाराम अनुसारको विवरण कम्प्युटरमा प्रविष्टि, रुजु कार्य ।

v  रजिष्ट्रेशन  नम्बर कायम गरी टिप्लिकेट र रजिष्ट्रेशन कार्ड वितरण गर्ने ।

v  रजिष्ट्रेशनको डाटा केन्द्रमा पठाउने र विद्यालयगत अभिलेख राख्ने ।

  ख. परीक्षा आवेदन सम्बन्धी

v  परीक्षा आवेदन फाराम, समष्टिगत फाराम प्रयोगात्मक प्राप्ताङ्क फाराम वितरण गर्ने ।

v  तोकिए बमोजिम परीक्षा शुल्कको बैंक भौचर सहित परीक्षा आवेदन फाराम रुजु र सङ्कलन गर्ने ।

v  परीक्षा आवेदन फाराम अनुसारको विवरण कम्प्युटरमा प्रविष्टि, रुजु कार्य ।

v  सिम्बोल नम्बर कायम गरी परीक्षा प्रवेशपत्र, टिप्लिकेट वितरण गर्ने र परीक्षा आवेदनको विद्यालयगत अभिलेख राख्ने  । 

   ग. परीक्षा सञ्चालन पूर्व र सञ्चालनको व्यवस्थापन

v  कार्यक्षेत्रका जिल्लामा समन्वय गरी परीक्षा केन्द्र निर्धारण सम्बन्धी प्रक्रियागत कार्यहरु गर्ने

v  परीक्षा केन्द्रमा उत्तर पुस्तिका ढुवानी कार्य

v  केन्द्राध्यक्ष नियुक्ति पश्चात अभिमुखीकरण कार्य गर्ने ।

v  परीक्षा सञ्चालनका लागि आवश्यक सामग्री वितरण र परीक्षा केन्द्रको आर्थिक व्यवस्थापन सम्बन्धी कार्य गर्ने ।

v  प्रयोगात्मक परीक्षाको प्राप्ताङ्क सङ्कलन, कम्प्युटरमा प्रविष्टि, रुजु कार्य गरी केन्द्रमा पठाउने ।

v  सञ्चालित परीक्षाको अनुगमन कार्य गर्ने ।

   घ. परीक्षा सञ्चालन पश्चातका कार्यहरु

v  परीक्षा केन्द्र तथा सुरक्षा निकायबाट उत्तर पुस्तिका सङ्कलन र प्याकिङ गर्ने ।

v  उत्तर पुस्तिका तोकिएको परीक्षण केन्द्रमा पठाउने र प्राप्त उत्तर पुस्तिका परीक्षण गर्ने, गराउने ।

v  उत्तरपुस्तिका सम्परीक्षण गराउने र परीक्षण भएका उत्तरपुस्तिका केन्द्रीय कार्यालयमा पठाउने ।

v  पुनर्योग र मिसिङ सम्बन्धी निवेदन सङ्कलन गरी केन्द्रीय कार्यालयमा पठाउने ।

 ङ. नतिजा प्रकाशन पश्चातका कार्यहरु

v  कक्षा १२ उत्तीर्ण भएका विद्यार्थीलाई तोकिएको बैंक भौचर लिइ ट्रान्सक्रिप, माइग्रेसन, प्रोभिजनल, सप्लीमेन्ट वितरण गर्ने ।

v  विद्यार्थीको प्रमाणपत्र वितरण सम्बन्धी कार्य गर्ने ।

v  परीक्षा सम्बन्धी अन्य गोप्य कार्यहरु ।

v  परीक्षा सञ्चालनको प्रक्रिया सम्बन्धमा समीक्षा गरी आगामी दिनमा सुधारका लागि केन्द्र कायम भएका विद्यालय र राष्ट्रिय परीक्षा बोर्डमा लिखित सुझावहरु प्रदान गर्ने ।